Johan Havaas møter veggen i Kabuso

Norgesglas-veggen er montert av kunstnaren Ine Harrang. Nervepirrande.

Det er ikkje så ofte eg går på kunstutstillingar.

- Men denne er vel verd eit besøk!
Ja, eg veit.
Ettersom eg er frå Granvin, designa Havaas-boka og deltok i “Havaas-kommisjonen” ...
(og endåtil kjenner nokre Havåsingar)- så er eg vel ikkje heilt objektiv.


framside havaasbok

Framside til bok om Johan Havaas. Boka er til sals i kafeen på Kabuso.

Vegg av norges-glas, møysommeleg stabla og festa saman av kunstnaren Ine Harrang. Og kva har ho putta på glasa? Lav og mose... 

Continue Reading

Siderboksen er her!

Sider frå Hardanger Saft- og Siderfabrikk i boks!

Eg må berre syna den fram her i bloggen og. Synest denne vart veldig bra!
Akkurat slik eg planla den skulle sjå ut.

Tunheim Hardangersider på boks. Foto: Hardanger Saft og Siderfabrikk

Var på polet på Voss fleire gonger og sjekka. Nei då, den var utseld.
Etter nokre bomturar fekk eg endeleg grabba tak i ein boks framfor nasa på ein annan kunde. jippi!
Dama i kassa fortalde dei vart utselde på eit blunk og venta på neste levering.

Forklaring: Designen på boksen er laga av meg, Liv Jorun Aga for Hardanger Saft- og Siderfabrikk i Ulvik.

Hysterisk oppteken av back-up

bilde av f6-data knapp
Gammal macen min vart sendt til resirkulering. F6 knappen var alt som låg att i bilen.
I går gjekk den gamle Mac-en min til gjenvinning.

Stakkars. F6-knotten var alt som låg att i bilen, som ein siste suvenir. Til minne om lang og tru teneste frå 2004 heilt fram til 2015, då den fekk hjarteatakk. Gammal-macen fekk akutt stopp i dato-hukommelsen og kunne ikkje reddast.
Typisk grunn til å ta back-up. (Eller når eg tabbar meg ut, og slettar eller endrar ting. Og angrar… )
Men attende til 2015 og stakkars macen.

Hjelp, – tenk om alle bileta og jobbane er gått fløten…!?

Continue reading

Det gjekk ikkje heilt etter planen…

Heimasidene mine.

Dei skulle ha vore klar før sommarferien. Det gjekk ikkje heilt etter planen. Først måtte eg berre sjekka ut diverse spesialeffektar i ulike program som kom med sine oppdateringar…

-Ikkje sant, alle kjem med nye ting og oppdateringar samtidig.
Ein stakkar kan gå heilt i ball, moglegheitane er plutseleg utallige. Tida går med til testing av ymse variantar. Og  – ja du ser resutaltet på illustrasjonen her. Mykje moro med Illustrator…!

Bildet av meg er overalt…

Continue reading

Brilleslange

Etter å ha kasta meg ut i det som freelance på heiltid, brukar eg naturlegvis mykje tid framfor dataskjermen. Grafisk design og webdesign er no eingong slik.
Etter ei stund fekk eg meir og meir ilt i hove. (vondt i hodet). Sidan eg naturlegvis har lese litt om skumle ting som hjernesvulst og det som verre er fekk eg litt (mykje) angst.
MEN så googla eg litt då. Nokon påstod at dårleg syn kan laga slike symptom. (Ja, eg tilstår, eg er i alderen der augene går frå nærsynt til langsynt.)
Etter eit besøk hjå optikar Opkvitne på Voss vart eg nokre tusenlappar fattigare, men hoveverken forsvann. Vel verd pengane!
Det gjekk nokre veker før eg fann ut av dei bi-fokale brillene, men så lenge eg sat i ro gjekk det bra. Å gå oppreist med dei kan eg berre gløyma, då er det trynings.
Men eg synest ikkje det vart so gale.

 

Panikkangst

Javel. Då har eg kasta meg ut i det på nytt. Freelancer utan fast inntekt.  Etter 10 år som høvleriarbeidar på deltid måtte eg berre ta tida mi attende. Skummelt. Tenk om kundane mine har gjeve meg opp… ?
Ok. Forklaring trengst: Frå og med no – februar 2017 – jobbar eg på fulltid i eige firma med reklame og design. Då får eg betre tid til kundane mine og betre kapasitet. Men eg kan ikkje svikta Granvin Bruk heilt. Eg stiller som vikar om det trengst.  Kjekk skiftbas på høvleriet, veit du.

Prøveraktetten på Flåklypa. Orkan midt i fleisen